Diaweps, 21 Januari 2010 10:07
Pueblo mester rechasá minamentu di demokrasia i korupshon
WILLEMSTAD – Estadista Stanley Brown ta urgi pueblo pa no bai vota pa elekshon di parlamentu djabièrnè awor, den un demonstrashon masal ku nan no ta aseptá minamentu di demokrasia i ku nan ta repudiá korupshon.
“Ningun momentu so no mester a laga e elekshon di staten tuma lugá, pero mester a posponé esaki t’e ku elekshon pa un gobièrnu di pais Kòrsou”, segun Brown su definishon di trapamentu di demokrasia dje nashon.
Ku korupshon Brown ta kuestioná e sumanan astronómiko ku spesífikamente partido di Lista Kombiná a usa pa kampañá i ku no tabatin transparensia den splikamentu na pueblo di unda tur e plakanan a sali.
Keda sin bai vota djabièrnè awor ta nifiká ku pueblo ta rechasá un intento pa tin un otro gobièrnu i ku lo tin ménos ‘draagvlak’ pa un otro koalishon por traha, segun Brown, pasobra no tin kuestion di mayoria.
Ademas, si siudadanonan no bai urna, esaki ta bira un ‘wake up call’ pa nunka mas no tin dos (2) elekshon tras di otro, mustrando asina ei ku demokrasia di un pais ta funshoná. “No bai vota djabièrnè awor”.
Segun Brown e elekshon ta koruptivo, pasobra un partido polítiko manera Lista di Kambio, no por splika di unda el a saka sèn pa kubri gastunan di kampaña. E hecho ku nan no ta transparente ta pone hende hole korupshon.
“Na dos (2) okashon i durante dos (2) referèndem, pueblo a skohé pa keda den reino i pa e gobièrnu aktual kaba ku e trabou, ke men no tabata na nodi pa bolbe konsultá ku pueblo tokante di futuro struktura estatal”.
Brown ta kere ku demokrasia ta nifiká alabes ku e gobièrnu ta tene kuenta ku loke pueblo a ekspresá na dos (2) okashon i ku mester a protehé komunidat di posibel kambionan, ku por stroba e sanamentu di debe.
“Demokrasia mester ta na benefisio di Kòrsou i e gobièrnu no mester a pone elekshon aworakí, ni maske oposishon tabata kontra. Nan tin dos (2) konsulta di pueblo, den kual nan a ekspresá den un mayoria, kon nan ke pa e isla sigui den reino Hulandes”, Brown a enfatisá.
KORUPSHON
Di akuerdo ku Brown, e kampaña di Lista Kombiná ta mustra den direkshon di korupshon, pasobra no sa di unda e sèn ta bin. “Ta di Pedevesa, bendementu di hende muhé òf di un grupo Libanes?” Brown ta kuestioná.
“Ademas mester wak bon si e kampaña no ta keda finansiá pa práktikanan di wega di plaka òf ku tin wega di droga den henter e asuntu aki. E hecho ku e partido blou no ta transparente, ta lanta hopi sospecho”.
E tabata skèrpi den direkshon di Gerrit Schotte riba e Lista di Kambio i meskos a kuestioná di unda e ta haña fondo, pa hiba un kampaña di elekshon personal i separá for di otronan di su mes partido polítiko.
E estadista a remarká ku e kampaña di entre otro Partido Antia Restukturá (PAR) ta keda finansiá pa sektornan ku tur hende sa di dje, loke ta reflehá ku no tin nada di skonde. El a referí na un grupo spesífiko di kapitalistanan.
“Tur hende sa ken ta e hendenan ku ta hinka plaka den kampaña di PAR i pakiko nan ta finansiá e kampañanan pa elekshon”, Brown a deklará, referiendo na un grupo ku ta na fabor pa e situashon keda manera e ta aktualmente.
Dje otro partidonan manera Partido Nashonal di Pueblo (PNP) i tambe Frente Obrero Liberashon 30 di Mei (FOL), tambe tin tur transparensia. “Manera kustumber tur hende sa ken ta hinka den sèn den e bèrdè i orañonan”.
“VBC tambe mester hasi un yamada na pueblo, pa nan no bai vota”, Brown a bisa. “Tin otro sektornan di importansia tambe ku por hasi meskos. Si un porsentahe abou di pueblo bai urna, nada lo no kambia”.
Brown a indiká ku e mes tampoko no ta bai vota, manera e sirkunstansianan ta te ku awor, pero ku nunka no sa kiko por pasa ku e isla. “Pero si djabièrnè mainta Kòrsou lanta den e mesun situashon ku awe, mi no ta bai vota”.
Pueblo mester rechasá minamentu di demokrasia i korupshonWILLEMSTAD – Estadista Stanley Brown ta urgi pueblo pa no bai vota pa elekshon di parlamentu djabièrnè awor, den un demonstrashon masal ku nan no ta aseptá minamentu di demokrasia i ku nan ta repudiá korupshon.
“Ningun momentu so no mester a laga e elekshon di staten tuma lugá, pero mester a posponé esaki t’e ku elekshon pa un gobièrnu di pais Kòrsou”, segun Brown su definishon di trapamentu di demokrasia dje nashon.
Ku korupshon Brown ta kuestioná e sumanan astronómiko ku spesífikamente partido di Lista Kombiná a usa pa kampañá i ku no tabatin transparensia den splikamentu na pueblo di unda tur e plakanan a sali.
Keda sin bai vota djabièrnè awor ta nifiká ku pueblo ta rechasá un intento pa tin un otro gobièrnu i ku lo tin ménos ‘draagvlak’ pa un otro koalishon por traha, segun Brown, pasobra no tin kuestion di mayoria.
Ademas, si siudadanonan no bai urna, esaki ta bira un ‘wake up call’ pa nunka mas no tin dos (2) elekshon tras di otro, mustrando asina ei ku demokrasia di un pais ta funshoná. “No bai vota djabièrnè awor”.
Segun Brown e elekshon ta koruptivo, pasobra un partido polítiko manera Lista di Kambio, no por splika di unda el a saka sèn pa kubri gastunan di kampaña. E hecho ku nan no ta transparente ta pone hende hole korupshon.
“Na dos (2) okashon i durante dos (2) referèndem, pueblo a skohé pa keda den reino i pa e gobièrnu aktual kaba ku e trabou, ke men no tabata na nodi pa bolbe konsultá ku pueblo tokante di futuro struktura estatal”.
Brown ta kere ku demokrasia ta nifiká alabes ku e gobièrnu ta tene kuenta ku loke pueblo a ekspresá na dos (2) okashon i ku mester a protehé komunidat di posibel kambionan, ku por stroba e sanamentu di debe.
“Demokrasia mester ta na benefisio di Kòrsou i e gobièrnu no mester a pone elekshon aworakí, ni maske oposishon tabata kontra. Nan tin dos (2) konsulta di pueblo, den kual nan a ekspresá den un mayoria, kon nan ke pa e isla sigui den reino Hulandes”, Brown a enfatisá.
KORUPSHON
Di akuerdo ku Brown, e kampaña di Lista Kombiná ta mustra den direkshon di korupshon, pasobra no sa di unda e sèn ta bin. “Ta di Pedevesa, bendementu di hende muhé òf di un grupo Libanes?” Brown ta kuestioná.
“Ademas mester wak bon si e kampaña no ta keda finansiá pa práktikanan di wega di plaka òf ku tin wega di droga den henter e asuntu aki. E hecho ku e partido blou no ta transparente, ta lanta hopi sospecho”.
E tabata skèrpi den direkshon di Gerrit Schotte riba e Lista di Kambio i meskos a kuestioná di unda e ta haña fondo, pa hiba un kampaña di elekshon personal i separá for di otronan di su mes partido polítiko.
E estadista a remarká ku e kampaña di entre otro Partido Antia Restukturá (PAR) ta keda finansiá pa sektornan ku tur hende sa di dje, loke ta reflehá ku no tin nada di skonde. El a referí na un grupo spesífiko di kapitalistanan.
“Tur hende sa ken ta e hendenan ku ta hinka plaka den kampaña di PAR i pakiko nan ta finansiá e kampañanan pa elekshon”, Brown a deklará, referiendo na un grupo ku ta na fabor pa e situashon keda manera e ta aktualmente.
Dje otro partidonan manera Partido Nashonal di Pueblo (PNP) i tambe Frente Obrero Liberashon 30 di Mei (FOL), tambe tin tur transparensia. “Manera kustumber tur hende sa ken ta hinka den sèn den e bèrdè i orañonan”.
“VBC tambe mester hasi un yamada na pueblo, pa nan no bai vota”, Brown a bisa. “Tin otro sektornan di importansia tambe ku por hasi meskos. Si un porsentahe abou di pueblo bai urna, nada lo no kambia”.
Brown a indiká ku e mes tampoko no ta bai vota, manera e sirkunstansianan ta te ku awor, pero ku nunka no sa kiko por pasa ku e isla. “Pero si djabièrnè mainta Kòrsou lanta den e mesun situashon ku awe, mi no ta bai vota”.