Diaweps, 21 Januari 2010 10:07
WILLEMSTAD.- Presidente di Parlamento, sr. Pedro Atacho, kier a hasi un apelashon serio riba komunidat pa bai hasi uso di e derecho di voto.
Segun Atacho, ehersementu di bo derecho di voto ta di krusial importansha den e demokrasia parlamentario ku nos konosé. Kada siudadano ku tin e derecho aki ta den e posishon pa skohe nan representante-nan den Parlamento di Antia. Bo derecho di voto no tabata semper asina manera nos konosé awendia. T’asina ku promé ku 1948 ta solamente algun hende tabatin e derecho ei.
Esnan ku un posishon soshal-ekonómiko importante por a vota, kondishonnan spesial di e tempu ei tabata dikta ku, hendenan ku un sierto desaroyo intelektual por a vota i/òf paga un sierto suma di belasting riba e entrada anual. Hende muhé sin mas no tabatin derecho di voto. Ku introdukshon di e konstitushon di Antia na 1948, e Derecho Universal di voto a keda introdusí. Tur hende sin distinshon i ku mas di 23 aña di edat e tempu ei a haña derecho di voto. Pues despues di 62 aña nos tin ketu bai e derecho di voto ku nos antepasadonan a bringa pasifikamentu p’e. Pues segun Atacho, hasi uso di e derecho fundamental aki i bai vota djabièrnè awor.
WILLEMSTAD.- Presidente di Parlamento, sr. Pedro Atacho, kier a hasi un apelashon serio riba komunidat pa bai hasi uso di e derecho di voto. Segun Atacho, ehersementu di bo derecho di voto ta di krusial importansha den e demokrasia parlamentario ku nos konosé. Kada siudadano ku tin e derecho aki ta den e posishon pa skohe nan representante-nan den Parlamento di Antia. Bo derecho di voto no tabata semper asina manera nos konosé awendia. T’asina ku promé ku 1948 ta solamente algun hende tabatin e derecho ei.
Esnan ku un posishon soshal-ekonómiko importante por a vota, kondishonnan spesial di e tempu ei tabata dikta ku, hendenan ku un sierto desaroyo intelektual por a vota i/òf paga un sierto suma di belasting riba e entrada anual. Hende muhé sin mas no tabatin derecho di voto. Ku introdukshon di e konstitushon di Antia na 1948, e Derecho Universal di voto a keda introdusí. Tur hende sin distinshon i ku mas di 23 aña di edat e tempu ei a haña derecho di voto. Pues despues di 62 aña nos tin ketu bai e derecho di voto ku nos antepasadonan a bringa pasifikamentu p’e. Pues segun Atacho, hasi uso di e derecho fundamental aki i bai vota djabièrnè awor.