Diaweps, 21 Januari 2010 10:07
WILLEMSTAD – Hinter pueblo di Kòrsou ta wòrdu invitá pa bin gosa ku e dos bandanan lokal famoso GIO i Tune na e klousura di e kampaña polítiko di partido Frente Obrero Liberashon 30 di mei (FOL). Djarason 20 di yanüari for di 18.00 ‘or di atardi tur hende ta bon biní na sede di partido oraño na Winston Churchillweg 102 i lo sigui fiesta bai gol. Durante e anochi tambe por haña informashon di kandidatonan i FOL- lider sr. Anthony Godett lo hiba palabra pa splika dikon tin ku voto pa Frente Obrero.
Sr. Anthony Godett ta traha duru pa pueblo di Kòrsou i a mustra vários biaha ku su palabranan ta realidat. Rònt Kòrsou e último lunanan diferente proyekto a wòrdu realisá i ta trese un alivio pa e habitantenan den e bario. Bùs nobo ta kore i hiba e yu’i Kòrsou na su destino i kayanan ta wòrdu drechá i lus sendé pa mas seguridat riba kaminda. Proyektonan grandi ta na kaminda i ku sosten di pueblo, sr. Anthony Godett lo realisá nan tambe e aña aki mes. Partido FOL tin sigur ku e yu’i Kòrsou ta mira ku tin hopi moveshon den bon direkshon i ku Kòrsou lo bira un pais outónomo den Reino Hulandes ku tur su benefisio.
E famia oraño ta konta ku hopi hende lo pasa pa bin selebrá huntu ku e kandidatonan i disfrutá den un ambiente agradabel. GIO i Tune sigur lo sòru pa un tremendo animashon musikal. E fiesta oraño ta pa un i tur i kompletamente grátis. Despues di e klousura di partido FOL no tin ningun duda pa ken bo tin ku bai vota djabièrnè 22 di yanüari pa Kòrsou sigui avansá.
WILLEMSTAD – Hinter pueblo di Kòrsou ta wòrdu invitá pa bin gosa ku e dos bandanan lokal famoso GIO i Tune na e klousura di e kampaña polítiko di partido Frente Obrero Liberashon 30 di mei (FOL). Djarason 20 di yanüari for di 18.00 ‘or di atardi tur hende ta bon biní na sede di partido oraño na Winston Churchillweg 102 i lo sigui fiesta bai gol. Durante e anochi tambe por haña informashon di kandidatonan i FOL- lider sr. Anthony Godett lo hiba palabra pa splika dikon tin ku voto pa Frente Obrero.Sr. Anthony Godett ta traha duru pa pueblo di Kòrsou i a mustra vários biaha ku su palabranan ta realidat. Rònt Kòrsou e último lunanan diferente proyekto a wòrdu realisá i ta trese un alivio pa e habitantenan den e bario. Bùs nobo ta kore i hiba e yu’i Kòrsou na su destino i kayanan ta wòrdu drechá i lus sendé pa mas seguridat riba kaminda. Proyektonan grandi ta na kaminda i ku sosten di pueblo, sr. Anthony Godett lo realisá nan tambe e aña aki mes. Partido FOL tin sigur ku e yu’i Kòrsou ta mira ku tin hopi moveshon den bon direkshon i ku Kòrsou lo bira un pais outónomo den Reino Hulandes ku tur su benefisio.
E famia oraño ta konta ku hopi hende lo pasa pa bin selebrá huntu ku e kandidatonan i disfrutá den un ambiente agradabel. GIO i Tune sigur lo sòru pa un tremendo animashon musikal. E fiesta oraño ta pa un i tur i kompletamente grátis. Despues di e klousura di partido FOL no tin ningun duda pa ken bo tin ku bai vota djabièrnè 22 di yanüari pa Kòrsou sigui avansá.