Diaweps, 21 Januari 2010 10:07
Segun kandidato di Democraat Rodney Haseth
WILLEMSTAD.- Segun kandidato number 6 riba lista di Partido Democraat, sr. Rodney Haseth, ku Democraat den gobièrnu lo tin kambionan visibel den e promé 100 dianan. Bon, ta asina ku nos ta pará ku awor si mi mester bin ku kambionan radikal den área di enseñansa i kuido. Sr. Haseth a indiká ku loke mester sosodé den kuido ta ku mester bin un hospital na un lugá mas aksesibel pa pueblo en general i esnan enfermo, en bes di poné na un sitio ku ta stroba i perhudiká e proseso di sanashon. Refiriendo na e proposishon ku Diputado di Salubridat sr. Humphrey Davelaar a trese pa laga traha e hospital den Emmastad. Segun sr. Haseth e lugá ideal ta Jan Noorduynweg, ku por sierto ta kuadra ku e rapòrt di 400 mil florin ku gobièrnu a paga Deloitte & Touche pa traha, ku ta indiká ku e promé opshon ta na Jan Noorduynweg banda di UNA. Tambe gobièrnu mester bin ku sistema di lei kaminda por tin mas kontròl riba preis di remedi. Pa motibu ku kada ken ta kumpra i rebendé e remedinan na e preis ku e ke. “Komo tal a yega tempu pa pone un fin na e ‘free for all aki” sr. Haseth a duna di konosé.
Komo un persona ku ta traha den sektor di salubridat, sr. Haseth a mustra su preokupashon ku e porsentahe di hóbennan tiner ku ta sali na estado, anto mirando ku karnaval ta den kurpa e tendensia ku esaki por oumentá. Tambe lo pone atenshon na un sentro di yudansa pa drogadiktonan kaminda nan lo por drenta di un manera mas fásil dor di baha e drèmpel un poko. I no ke lubidá e parti di oumento di salario pa esnan ku ta laborá den kuido, tin personanan ku ta kobra entre 900 i 1000 pa luna na sierto institutonan. Loke ku sr. Haseth ta konsiderá ta bou di nivel mirando ku ta trata di un trabou ku tin un eksigensia hopi haltu di responsabilidat.
Partido Democraat ta konvensí ku den 2 pa 3 luna lo por kuminsá nota e kambionan konkreto den e áreanan menshoná. Sr. Haseth a bisa ku tin vários di e puntonan aki ku a keda tratá den pasado pa otro mandatario, pero ku a keda poné un banda despues. Pero Democraat lo trese kambionan den e promé 100 dianan di gobernashon unabes pueblo depositá nan konfiansa i voto den Democraat. Pa loke ta trata e aspekto di enseñansa, Partido Democraat ta kompletamente konvensí ku mester atendé ku e sistema di enseñansa di fundeshi ku a resultá un desaster. Ta p'esei mas rápido posibel, den periodo di algun luna, mester kuminsá kambia e sistema di moda ku e muchanan di bèrdat ta sinti ku nan ta haña un enseñansa adekuá, Sr. Haseth a terminá bisando.
Segun kandidato di Democraat Rodney HasethWILLEMSTAD.- Segun kandidato number 6 riba lista di Partido Democraat, sr. Rodney Haseth, ku Democraat den gobièrnu lo tin kambionan visibel den e promé 100 dianan. Bon, ta asina ku nos ta pará ku awor si mi mester bin ku kambionan radikal den área di enseñansa i kuido. Sr. Haseth a indiká ku loke mester sosodé den kuido ta ku mester bin un hospital na un lugá mas aksesibel pa pueblo en general i esnan enfermo, en bes di poné na un sitio ku ta stroba i perhudiká e proseso di sanashon. Refiriendo na e proposishon ku Diputado di Salubridat sr. Humphrey Davelaar a trese pa laga traha e hospital den Emmastad. Segun sr. Haseth e lugá ideal ta Jan Noorduynweg, ku por sierto ta kuadra ku e rapòrt di 400 mil florin ku gobièrnu a paga Deloitte & Touche pa traha, ku ta indiká ku e promé opshon ta na Jan Noorduynweg banda di UNA. Tambe gobièrnu mester bin ku sistema di lei kaminda por tin mas kontròl riba preis di remedi. Pa motibu ku kada ken ta kumpra i rebendé e remedinan na e preis ku e ke. “Komo tal a yega tempu pa pone un fin na e ‘free for all aki” sr. Haseth a duna di konosé.
Komo un persona ku ta traha den sektor di salubridat, sr. Haseth a mustra su preokupashon ku e porsentahe di hóbennan tiner ku ta sali na estado, anto mirando ku karnaval ta den kurpa e tendensia ku esaki por oumentá. Tambe lo pone atenshon na un sentro di yudansa pa drogadiktonan kaminda nan lo por drenta di un manera mas fásil dor di baha e drèmpel un poko. I no ke lubidá e parti di oumento di salario pa esnan ku ta laborá den kuido, tin personanan ku ta kobra entre 900 i 1000 pa luna na sierto institutonan. Loke ku sr. Haseth ta konsiderá ta bou di nivel mirando ku ta trata di un trabou ku tin un eksigensia hopi haltu di responsabilidat.
Partido Democraat ta konvensí ku den 2 pa 3 luna lo por kuminsá nota e kambionan konkreto den e áreanan menshoná. Sr. Haseth a bisa ku tin vários di e puntonan aki ku a keda tratá den pasado pa otro mandatario, pero ku a keda poné un banda despues. Pero Democraat lo trese kambionan den e promé 100 dianan di gobernashon unabes pueblo depositá nan konfiansa i voto den Democraat. Pa loke ta trata e aspekto di enseñansa, Partido Democraat ta kompletamente konvensí ku mester atendé ku e sistema di enseñansa di fundeshi ku a resultá un desaster. Ta p'esei mas rápido posibel, den periodo di algun luna, mester kuminsá kambia e sistema di moda ku e muchanan di bèrdat ta sinti ku nan ta haña un enseñansa adekuá, Sr. Haseth a terminá bisando.