- Dikon ta puntrami mi informashonnan personal manera estudio i edat?
Bo informashonnan personal ta keda uzá pa metanan estadístiko. Na e manera ei nos por averiguá si por ehempel pa kada kategoría di edat, tin sufisiente hende ku a kontestá i asina por representá e komposishon berdadero di nos poblashon. Bo informashonnan lo no wòrdu divulgá na ningun hende. - Kon largu e enkuesta aki lo dura?
E enkuesta ta kòrtiku i lo dura solamente 2 pa 3 minüt. Na e manera ei nos por haña sufisiente kontestadó den korto tempu, i asina nos lo por saka resultado kada dos siman. - Dikon e enkuestanan ta wòrdu hasí via di telefòn selular?
Dor di trèk un “steekproef” for di numbernan di telefon selular eksistente di tur provider na Kòrsou, kasi henter e populashon di Kòrsou ta bin na remarke pa partisipá. No ta tur hende tin un liña di telefòn fiho òf konekshon di Internet. Pero mayoria hende tin un telefòn selular. - Kon bini Stradius Research ku mi number di telefòn?
Nos ta trèk un “steekproef” for di serienan eksistente di Chippie, Digicel i MIO. Kada bes ta trèk un number di telefòn despues di kada 115, òf 241 etc. Di e manera ei tur hende na Kòrsou tin mesun chèns di kai den e steekproef. - Mi tin un reklamo of remarke tokante di e "verkiezingspeiling". Unda mi por hasi esaki?
Bo por manda un e-mail na This e-mail address is being protected from spambots. You need JavaScript enabled to view it of bèl riba 737-0478, si bo tin pregunta, reklamo òf remarke pa Stradius Research. - Dikon lo mi partisipá na e enkuesta aki?
Bo partsipashon na e investigashon aki, ta un manera simpel pa laga bo bos resoná i tambe duna bo opinion. Pa Kòrsou, ta algu uníko pa riba un base regular haña un bista di kon e resultado nan lo por ta. - E enkuestanan aki ta wòrdu hasi na enkargo di gobièrnu of un partido polítiko?
Nò, Stradius Research ta hasi e sondeonan aki independientemente. Tin algun spònser si mará na esaki pa kubri e gastunan pa ku e ehekushon di e proyekto aki. E website ku tur e informashonnan tokante e elekshonnan tambe ta nos propio inisiativa i no pa enkargo di niun hende.